“S’om pogues partir son boler” by Gaucelm Faidit, performed by Arany Zoltán

“S’om pogues partir son voler
De so don plus a·l cor volon,
Can no·n pot jauzimen vezer,
L’uns dels grans sens fora del mon!
Car, de las grans foudatz que·i son,
Es be la maier, qui s’enten
Segre son dan ad escien,
Car doblamen
Fai faillimen—
Pero greu er fis amics drutz privatz
Si·l bes e·l mals e·l jois e·l dans no·il platz.

Tot aisso mi vengr’a plazer,
Si tot sui el maltraich prion,
S’Amors mi volgues tant valer
Que l’amoros cors deziron
Mi pagues d’un joi jauzion,
Qu’assatz par que for’avinen
Qez agues del ben qui·l mal sen!
Q’ie·n preira cen
Malstraitz sofren,
E fora·m jois e plazers mout onratz,
S’apres cen mals en fos d’un joi pagatz.”